أمثال فلسطينية كح !!!

أمثال فلسطينية كح

إذا انت أمير و أنا أمير ، مين بيسوك الحمير ؟

عاشر المصلي بتصلي و عاشر المغني بتغني

بكره بنكعد عالحيطة وبنسمع الزيطة

لو كان الزلام بشواربهم لكان الصرصور أزلمهم
صار للشرشوحة مرجوحة و لأبو بريص كبكاب

الإبن الوسخ بجيب لأهله
المسبة

إذا كولنالها اطبخي بتكول مريضه

بس اذا كولنالها تعي كلي بتكول وين معلكتي العريضة ؟

اللي بدري بدري واللي ما بدري بيكول كف عدس

كوم حجار ولا هالجار
ضلك ورا العيار لباب الدار

مين بشهد للعروس ؟..إمها و خالتها و عشره من حارتها

لولاكي يا جارتي لفكعت مرارتي!

ما حد بكول عن زيته عكر

يوم إلك ويوم عليك، دير بالك فتح عينيك !

سمره ونغشه؟ ولا بيضة ودفشة!

الجوز رحمة ولو كان فحمة

عندك عيش وعندي عيش، وفراغة العين ليش؟

ريحة الإم بتلم

أخذتك شطر بطر يا سنسونة روحي ، جيت أكيد العدى كدت أنا روحي!

إبنك على ما تربيه و جوزك على ما تعوديه

يا جاي بلا عزيمة يا كليل الكيمة

ضحكة عنزة ع باب مسلخ

زهرة النرجس

ههههههههههههههههههه
حلوووووووووووووو كتير

اسمحلي أضيف كم مثل

يا ماخد الكرد عماله راح المال وبقا الكرد على حاله

العروسة للعريس والجري للمتاعيس

الدار دار ابونا واجوا الغربية طحونا

دلع بنتك بترضيك دلع إبنك بخزيك

بتقول له ثور بقول احلبوه

البيت ضيق والحمار رفاص

بيتعلم البيطرة بحمير النوَر

يا كلبي يا كتاكت يا منتى شايل وساكت

» أمثال عالمية