عشان زمان ما حطيت موضوع ( من انبارح)
وزمان ما نكشة مخاتي
حبيت احكيلكم قصة صارت معي
هاد يا سيسي هداك اليوم وانا طالع بالسيارة
كنت مسفح فيها على الاخر
ما كنت مشغل السيستم لانو الصوت عالي
فشغلت التلفون تاعي احسن ......... قال يعني انو المسجل ما انسرق
المهم ما علينا
طبعا سيارتنا دفع خلفي
والله لا يورجيكم العجياب الي بعملها
ما بخلي واحد الا بدعسو بالحارة
والي بدعسو اربع مرات بشتريلي بكيت دخان
المهم احنا ساكنين على طلعة او على نزلة مش متزكر حاليا
كنت طالع والشارع كان مبلول من المطر
والسيارة صارت تزيح وتعطي اسات على طول الطلعة
وانا فاتح الشباك وبصيح ومكيف
وفجاة لقيت سيارة شرطة سير قدامي
شافوني وانا بصيح والسيارة بتخمس وبتعطي اسات لحالها
مش عارف شو الي صار
وفجاة سمعت صف عاليمن صف عاليمين
طبعا انا فقعت معي
وعصبت
وانحرق راسي
كيف يقطع لنصي
ومين هو لحتى يوقفني
طبعا صفيت السيارة بنص الشارع
وخبطت الباب بقوة
وكبست معي
بدي اروح اوكل الشرطي اكل
وكنت مكشر
وهداك نزل من السيارة وحامل كل دفاتر المخالفات وبدو يلبسني اياها
انا لما شفت هيك عصبت اكتر واكتر
وفقعت معي يا كبير
ورحت عن الشرطي ومسكتو من بلوزتو وانا معصب
مسكتو
وحكتلو
بعرض اختك سامحني
والله اخوي بحتاج السيارة لا تصادرها
والله انا شب طالب توجيهي ماكل هوا
ومعيش حق سيارة لمبرقيني والله
وشافني هيك وانا بعيطلو
حكالي يا زلمة خلص
ولك من وين انت طلعتلي
اتطلعت عليه بنظرات بريئة وحكتلو من هون .......... اشرتلو على الطلعة مش على بيتنا عشان ما يصير صاحبي هسا
المهم قعد يحكيلي والله قطعت قلبي
خلص روح هي مخالفة بخمسين دينار بس
حكتلو شو حشيش وما حشيش
يستر ع اختك وبناتها بلاها
حكالي طيب انا مداوم هالاسبوع بحارتكم
اذا بشوفك بتعيدها السيارة بتحلم فيها
حكتلو الله يخلينا اياك......... طبعا انا من جوا .....
المهم ركب سيارتو وراح
بعد ما بعد 100 متر عني
شفت كم بنت مرو بالحارة
قعدت اصيح قدامهم
ولك ارجع يا جبان
ولك انت لو قدي كان ما هربت يا معفن
تعال يا مصدي
طبعا البنات بحكو يا الله شوفي هداك الشب الحلو
مخوف الشرطة ومخوف الكل
وانا من جوا انبسطت ومكيف
وضليت اصيح عليه وبصيح بصوت عالي كل ما يبعد عني بعلي صوتي
بعدين فجاة برك شحيط ........ بي اس : برك شحيط يعني شحط بريك
المهم سيارة الشرطة شفتها بدها ترجع
انا شفت هيك خف عقلي
ركبت السيارة ورحت صفيتها
ورحت نمت بعد هاد الموقف
موضوع: مغامراتي مع الحكومة 
الثلاثاء أغسطس 04, 2009 6:08 pm
