الفرق بين الزوجه الاردنيه والسوريه

[size=16][size=21]الفرق ‏بين الزوجة ‏الاردنية والسورية
‏الفرق ‏بين الزوجة ‏الاردنية والسورية

اذا وقع زوجها عن الدرج:

السورية : ‏ولي على آمتي، سلامتك حبيبي أنشاء الله ، انا ولا ‏انتا ابن عمي ( ميته خوف عليه )

الاردنية : شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)

اذا الزوج بدو يسافر:

السورية
: انتبه لنفسك ابن عمي، جهزتلك الشنطه، كتّر خيرك على الاغراض اللى
اشتريتها، بيكفوا سنه الله لايحرمنا من دخلتك علينا، أولي على آمتي، تروح
وترجع بالف سلامهة

الاردنية
:أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع
هناك آه ؟ مش تتطلع عالبنات !! إحلف إنك مش رايح تروح على أماكن فيها
بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان
تشوف وينك و تحكيلك إنه الولد سخن، وبنتك بدها تموت، كل المصايب بتقلك
اياها بتلاحقك فيها وين ما تروح ( هوايتها نكد )

إذا الزوج تأخر بره فى شغل او مع صديق:

السورية
: شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما
تتأخر عليي كثير مره تانيه عشان بشتائلك أنا ( يؤبرني دلع الشام )

الاردنية
: شرّفت !! وين كاين؟ مهو أنا كاينه حيوانه في الدار، طول نهاري أكنس و
أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي
إيد قدام وإيد ورا، كويس عرفت إلك دار وروحت ( لا تعليق)

إذا طلبت شى منه :

السورية
: إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا
شي حلو من دياتك الحلوة وعلى زوئك شو بعشق زوئك أنا ياحياتي.

الاردنية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال )

إذا جابلها هدية :

السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري

الاردنية
: والله غاب وجاب، وياما جاب الغراب لمه، من وين جايبها وقديش حقها هاي،
الله يقطع هيك ذوق مش لو جبتلنا طبخة للدار أحسن ( حسبي الله )

اذا بدك شي منها :

السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي

الاردنية
: مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش
فاضية، وللا أقلك اطلع من الدار حل عنى روح شوفلك شغله سويها، فقعت مرارتى
من شغل البيت اففففف اففففف.

لو طلبت منها فنجان قهوة :

السورية
: من عيونى ابن عمى، أحلا فنجان بن من دياتى يستاهل تمك، وبدياتى راح شربك
كمان، تعبك راحة ابن عمي، ما في اغلا منك حبيب ألبي ( تخيل فنجان القهوة
بس )

الاردنية
: بدك قهوة ؟ هي اخوانك مرميين فى الحوش روح اشرب معهم، وللا أقلك روح عنك
امك بتعملك، أترك شغلي وأعملك قهوة؟؟ هادا اللى ناقص، ياااا رب موتني
وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )

اذا حكالها (بدك شي؟) وهو طالع

السورية
:- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى
شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك
اعملك شى لمن ترجع؟ ( بتكون غبى لو طلعت وتركتها )

الاردنية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.

الذوق والتنويع فى الاكل:

السورية
: سلطات، تبولة، فتوش، محاشى، شوربات، كبه بأنواعها، محمّر، مشمّر، يعني
سفرة عامرة من كلّه، والله لو ماعندها بقدونس راح تعملك تبولة هههههههههه
بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى
دوء هاي من ايدي، طيب كمان هاي دوءها واحكيلى شو رأيك، طيب هاي كمان
وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك
ابن عمي.

الاردنية : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أٽ8

[/size][/size]

اه اه اه
متى الواحد بدو يتزوج
يعني الواحد يوخد وحدة سوربة
تقعد تناديلك ابن عمي شو ناوي توكل من ادي الحلوين الله الله على السوريات لا يوجد منافس لهم
يا رب ارزقني وحدة سورية يا رب
ههههههههههههههه

إنتا مش بدك سورية ..... بدك مصورة 4 إنش على سنانك

ناقصك وحدة سورية ..... ولك هذول مخسر .... على الفايتة والطالعة هات

وبالكلام الحلو بتوخذ اللي بدها اياه منك

عمي أتجوزلك وحدة فلسطينية أحسنلك

يا زلمة يخذو الي بدهم اياه

بس بوسة وحدة بتعوض كل شي هههههههههههه

اللللللللللللللللللللللللللللللللللللللللللللللللللللللللله ياخدو هالحكي مجنون خوخه شو هالكلام طيب هاد الكلام بينك وبينه ضروري ئدامنا نحنا البنات

اخص اخص يا عيب الشو عليك

أي نعم انو السوريات دلوعات وامامير ومتل الملائكة وبيجننو وكلامهم حلو وزوء وكل شي بس مو هييييييييييييييك تحكو

وبعدين يا جنرال مو كل السوريات بيطلبوا وبيتطلبوا هيك بزعل منك لأنك بتقرب على طرفي لأنو مامي سورية

روح أي والله والله والله والله انو كلامها حلو وحلوة وبتجنن وبتعرف تطبخ وزوئها بيجنن ومسكينة انو لما بدها تشتري اواعي الها بتشتريلي الي بدل منها

فلا تئعد تحكي بطلب ومش عارفة شو

ومجنون خوخه شو مالهم الفلسطينيات أي احنا أصلا منبع الزوء والاحساس وأمامير خصوصي بنات يافا أي والله لفوا الدنيا طول وعرض ما بتلائوا متلنا

من طيبة ئلب لحلاوة لشقاوة لزوء لأدب ل ............ل.............ل.................

ملاك يافا ...

زهرة النرجس

شايف يا جنرال كيف السوريات على قول زهرة

بعرفو يطبخو وبجننو وملائكة الله الله

بس الله يبعدنا عن الفلسطينيات
يعني وحدة من حمص حلب اللاذقية اخ اخ
هههههههههههه

بلا سوريات بلا هم ........... إسألني إلي
أصلاً كل الشركة عنا سوريات ........ يخرب شرهم بجننو وحلوات ومن الاخر
بس بيضلهم ورا الواحد لياخدو اللي بدهم اياه ........ يعني ما الهم أمان ..... شغل مصلحة
وكمان شو بدها تطبخلك ... تبولة ، كبة ، سيبك من الحكي الفاضي
إنتا بدك وحدة تطبخلك .. مقلوبة ، مسخن ، كرشاااااااااااااات ...... بدك طبيخ مش أكل جاهز
رد عي ما إلك غير أنك توخذلك وحدة فلسطينية ......... مو شرط من يافا
حتى بتعرف بعد عن يافا قد ما تقدر

اسمع خذلك وحدة من الخليل أو من طول كرم .................. والله انهم طقع

مالهم الفلسطينيات
بيجننوا خصوصا من القدس يا الله
كلهم شقفات
وكلهم بيعرفوا يطبخوا

مجنون لي لي كتب:: بلا سوريات بلا هم ........... إسألني إلي
أصلاً كل الشركة عنا سوريات ........ يخرب شرهم بجننو وحلوات ومن الاخر
بس بيضلهم ورا الواحد لياخدو اللي بدهم اياه ........ يعني ما الهم أمان ..... شغل مصلحة
وكمان شو بدها تطبخلك ... تبولة ، كبة ، سيبك من الحكي الفاضي
إنتا بدك وحدة تطبخلك .. مقلوبة ، مسخن ، كرشاااااااااااااات ...... بدك طبيخ مش أكل جاهز
رد عي ما إلك غير أنك توخذلك وحدة فلسطينية ......... مو شرط من يافا
حتى بتعرف بعد عن يافا قد ما تقدر

اسمع خذلك وحدة من الخليل أو من طول كرم .................. والله انهم طقع

لاااااااااااااااااااااااااااااااااااااااااااااااااا هيك انت بتيجي فيي

ليكون ما بتعرف اني من يافا ولا ما بتعرف لا انت اكيد ما بتعرف

أي والله والله والله والله اٍنو لف الدنيا طول وعرض ما بتلائي متلنا وأنا أكبر دليل

زهرة االنرجس

أنا علشان هيك بحكي بعد عن بنات يافا ....... والسوريات
وخذ بعديها انشالله صومالية أحسنلك

خذ النصيحة من أخوك ...... فش حدا بدو مصلحتك قدي

شو يا بعدي مو عاجبينك بنات يافا خصوصاً اذا كانوا متلي لا تخلوني اطلع فكرة مو حلوة علينا

بالله عليكم بدكم احلى مننا أي حلاوة وادب واخلاق وزوء يا حبيبي يا عمري ودير بالك عحالك تؤبر قلبي

بدكم اكتر من هيك وبتحكولي عن بنات يافا فعلاً الي بيحكي متل هيك بيكون ما بيعرف مين نحنا

يا حبيبي

الي بيرد بيحكي اشي غير هيك بيشوف اشي مو منييييييييييييييييييح

زهرة النرجس

لا محمد أوعك ترد علي ..... بمزح معك قاعد
ولك في بعد بنات يافا ..... ولك دخيل يافا وما طلعت

أنا إذا بدي أوخذ وحدة بوخذها من يافا أو من سوريا

بس بنات يافا ما بيحكو يا حبيبي يا عمري ودير بالك عحالك تؤبر قلبي

خلص يعني يا جنرال
انا وانتا بنوخد بنت من يافا

انتا توخد وحدة وانا بوخد اختها عشان نصير عدايل هههههه

» المعالجه العربيه لتقاعس الزوجه
» الفرق بين ....الأم هاي والأم هظيك...
» شوفوا الفرق بين الولد والبنت لما يصحو من النوم بالصور
» الفرق بين الرجل والمرأة في حل المشكله....
» الفرق بين الحبيب والخاطب والمتزوج