سؤال حساس بس مهم..؟؟؟؟

سؤال حساس بس مهم

موضوعنا لليوم شوي حساس و بتمنى من الكل يجاوبوا

بدون مثاليات يعني مثل مارح تعملوا بالواقع

تجاوبوا

الماضي لشريك/شريكة الحياة هل يهمك؟؟

مثلا اذا الشب حب بنت و كانت فتاة الأحلام يعني

بأخلاقها و علمها و دينها و جمالها و لقيت

أنها بتستحقك

لكن

عرفت أنها كانت بتحب شخص قبلك و علاقتهم انتهت

فبتقبلها زوجة ألك و لا لأ ؟؟

اذا كان ألها قصة سابقة مع حدا قبلك مثلا ؟!؟

أو

خلص رح تفتح صفحة جديدة معها و تنسى كل شي من قبل

و انت تبلش قصة جديدة و تنّسيها يلي قبل؟!؟

و السؤال للصبايا نفسه

يعني لو شب تقدملك فهل تقبلي فيه و لو كان أله

تجربة سابقة مع بنت قبل سواء خطبة أو قصة حب

و ترك البنت بالتغاضي عن الأسباب يلي فرقت

بينهم فهل تقبلي و لا لأ؟؟

بدي أسألكم كمان سؤال أنه يا ترى لو قبلتوا

بالشريك على علاقاته السابقة و أكيد ما بحكي عن

علاقات خطأ يعني مثلا كان خاطب أو هيك اشي

ممكن لبعد الزواج تقوله أنه أي ما أصلا أنت قبل

كان عندك علاقات (( يعني ببساطة تضلوا تهتوا بعلاقاته

السابقة ))؟؟

يعني هذا الاشي ممكن يأثر بالمستقبل و لا لأ؟؟

بتمنى مشاركة الشباب و البنات

والله شوي الموضوع متل ما حكيتي حساس

بس أنا من رأيي إذا البنت كانت تحكي مع شب قبل ما أتعرف عليها

يعني مني وعلي إذا عنجد حبيتها .... مو مشكلة بعطيها فرصة

لأنو إذا ربنا بسامح إحنا ما بدنا نسامح ؟

بس الموضوع ما بنتهي عند هيك لأنو شوي بدو مناقشة
.....أنا أعطيت رأيي المبدئي

ما بعرف إذا إنتو بتشوفو غير هيك ....

انا بالنسبه الي مابسألو عن ماضيه لأنه مش من حئي
وازا هو حب يؤول انا بجد مابتفرء عندي نهائيا لكن الأكتر من هيك اني يمكن حتى مابتفرء معي لو عندو علاقات في الحاضر ....

لالالا يا ياسمين
انا معاكي اذا كان الو علاقات بالماضي .....فهادا ماضي انا ما دخلني فيه
يعني أشي صار ابل ما اعرفو هو حر فيه
بس وانا معاه يكون الو علاقات لا هادا اكتير
انتي بتحكي هيك لانك مش مجربه بس الفتاه انانيه بطبعها من ناحيه الحب
وانا لما احب بدي كل عواطفه واحاسيسه وحتى تفكيرو يكونو الي لحالي ولحالي بس
الاخلاص صفه اكتير حلوه بالحب
وانتي ما بتعرفي اديش ممكن قلبك يوجعك لما تعرفي انو اللي بتحبي بحكي مع حدا غيرك
ويمكن بسمعها نفس الكلام اللي بحكيلك اياه
والله شعور قاسي وصعب اكتير
بتمنى من ربنا انو ما يدوقو لحدا

حسب بجوز ارضى وبجوز لأ يعني حسب مين هاد الشخص

بس ازا رضيت و سمعته بجيب سيرتها بمعص رقبته هوة وياها
لانه اهم شي عندي اني اكون انا محور اهتمامه مو حد تاني
وازا صار يقارن رح اكسر الدار على راسه
وابدا ما رح اعايره فيها

وشــــــــكـرا

هههههه ضحكتيني سوسو
انا ومع اني فضوليه ما رح اسأله عن ماضيه لانه كل واحد اله ماضي يعني المهم انه يكون بحبني وبس
وما يجيب سيرة البنات يلي كان على علاقه معهم

صبايا منيح الي شفنا دحكتكم

» سؤال بس يبي واحد عبقري
» اطردوني من المنتدى اذا عرفتم تجاوبو على سؤال واحد
» لعبة.....سؤال غبي وجواب أغبى منه.....
» سؤال بين شب وصبية ( لأعضاء المنتدى )
» لماذا تبكي المرأة ؟ سؤال حير الكثير !