هاد يا جماعة الخير مرة من زات المرات كانت الشتوية وعالاغلب الشتا الماضي
وبتعرفو الاكلة المشهورة بهيك جو العدس ومحسوبكم بموت بالعدس بالاخص مع شوية
مقبلات متل الزيتون والمخلالات والجرجير والبصل الاخضر والفجل
المهز كان اهم شي عندي الجرجير (وهو نبات لونه اخظر طعمه حاد ) كتييييييييييييييييير كنت احبه
ولوما اهلي سموني كان سميت حالي جرجير وكنا زارعينو بحوش البيت لانو الجرجير تاع السوق ما الو طعم
بتحسهم حاصدين حشاش الارض وبحكولك جرجير خلونا نبلش بالموضوع
عدس والمقبلات والدفاية وضمة فجل حاطينهم بمزهرية يعني جو رومانسي كتير
وانا جوعان ((خلص الجو الرومانسي بدي اكل)) وهجوم وبلشت بالعدسات ومعلقتين عدس مع قرط ضمة جرجير (هو مش ضمة بمعنى ضمة بس بتعرفو ورقة ورقة) واز قلبي حسني ونقزني ما بعرف بس حسيت الورقة (جرجير )تقيلة نسبيا وغائمة جزئيا عنجد كيف خطر ببالي اطلع عالورقة ما بعرف !!!
ولا شووووووو
شووووووووووووو
احزرو شووووووووو؟؟!!
ما الاقي الا دودة بريئة بتتفل رايحة جاي عالورقة عاملة عرض ازياء
طبعا ما صرخت لانها الدودة حيوان اليف وما بعض بس مسكت الورقة بأطراف اصابعي
عشان ما ازعج الخانوم دودة ومشيت شوي شوي لحد ما وصلت المطبخ
وشفت اخوي سألتو بكل برودة اعصاب : مين اللي لقط الجرجير وغسلو ؟؟
قال بكل فخر واعتزاز ((لا ما يغركم واسئ أوي من نفسو)): انا
انا باعلى درجات الصوت : وشو بتسوي هالدودة هون ؟؟!!!
طبعا اخوي شعرو وقف والدودة طارت وين الله اعلم عالاغلب عراس اخوي وفكرت حالها بمزرعة عرق سوس
ومن بعدها ما تفكرو حرمت اكل جرجير لا بس صرت انا اغسلو لانو اخوي بشممو تشميم ريحة المي
لا بس اللي مغصني جوابو الغبي : عادي ليش ما اكلتها اصلا هي مصدر هام للبروتين
موضوع: حركة نذالة 
الثلاثاء فبراير 17, 2009 12:53 am
)&: 
